2014年6月3日 星期二

香港仔- 呼吸系統



"吸氣,呼氣, 再吸氣,呼氣" 
令我有種輕飄飄的感覺,我唔係有哮喘,只有鼻敏感。曾幾可時我上過一啲教人減壓的課程,呼吸係令人有效的減壓方法。其實呼吸係生存所需。

友人樂也,先睇套片,之後叫我去睇,話有啲似楊徳昌套" 一一" , 我話有無太誇張吖,“一一” 係我心中係神級電影,即刻叫沖落去樓下的戲院。睇完,真係無“一一”咁好睇,但又未至於眼高手低得過份,彭導一向係醒目的導演,亦喜歡游走在通俗與生活意義,從來都不會犧牲娛樂性,但亦不會整套"八星報喜" 咁令你洩氣,我相信彭導都係對自己的戲有要求。


戲中的角色,有点令我代入,代入的原因並非吖媽對我唔好,我亦無個做道士個老豆,反宜係自尋煩惱的人生,我係典型的悲觀性格的人,坐坐下飲茶,又會諗下有無飛機撞過哩之類。樂也話睇完之後好sad , 我睇完香港仔,又唔係咁悲傷,反而重覺得做人應該帶点希望。


戲中每個角色都帶住心結生活,吳孟達對家人的不和感到不開心,古天樂生個唔靚嘅女又唔開心,楊千樺覺得吖媽唔原諒佢唔開心。角色個個都有心結,好似提醒做得香港人都預左有個心結。結果導演只係要我地知道其實心結都不外乎係一個結,解決了就可以沒有,只係自己自尋煩惱。



自尋煩惱其實係咪人的天性?解決一個心結,隨之而來係另一個,如果我地唔會煩惱,咁又算唔算一個人呢?聽聞動物都有煩惱,4歲小朋友有3個女朋友又煩惱,其實我們都永遠係平靜和煩惱中間蕩來蕩去,找不到棲息之所。

麥昆

2014年6月2日 星期一

紙月亮:馬來西亞的「早熟」

這部電影名符其實是「國產零零漆」中,聞西手上集合所有殺傷力武器於一身的「攞你命3000」。導演羅德明好像急著把自己一輩子想拍攝的電影原素都拼命塞在這部108分鐘的電影上。

整套電影不停在文藝小品/青春校園/純愛浪漫/恐怖驚慄/推理懸疑/AV情色等各式元素中游移不定,等於九大簋入面仲要加佛跳牆!食到你唔飽死都滯死。

有趣的是,片中年青版男、女主角私奔的情節,竟跟早年爾冬昇的「早熟」內容有不少相似之處,只是爾冬昇表現了兩少無倩相互磨合扶持的成長經歷;「紙月亮」中卻成了折磨兩代半生的悲傷故事。

能耐心把整部電影「捱」完,可能是我真的太鍾情周秀娜的健康性感了,就如強國片「荒島驚魂」一樣,沒有對女主角楊冪穿三點式的期待,是很難會乖乖看完整套電影的。

周秀娜演出努力,但距離最佳女主角的路應該還遠著吧。還是經驗豐富的林家棟最早看得透,明白接拍這樣的電影本身已經是一場恐怖災難,所以從一開始已決定了當驚憟片來演。

據介紹,本片還榮獲了美國洛杉磯電影獎「國際卓越電影大奬」、「最佳女主角周秀娜」、「最佳男配角林家楝」和「最佳劇本」等多個大奬,令我非常好奇,洛杉磯這個地方,是不是從來沒上映過亞洲電影?否則怎會對這部「紙月亮」如此厚愛?