很久未有戲一上影就去睇，工作實在忙到想死，難得有機可乘，要選擇諾亜方舟定美國隊長，但近排香港落雨落到成地都係，有点水分太高，決定睇下飛盾好過。
我一向唔係太大癮美國隊長，隊長個樣太靚仔，一啲都無90歲大兵的風霜味道，Chris Evans 又唔屬於演技派( 可能公司亦不覺得有雖要) 。不過呢啲戲最緊要快，同爽，劇情真係唔要合理( 曾收到問題，点解神盾搞到一鑊泡，成班復仇者聯盟点解唔幫下手？) ，最緊要令你盡快投入，之後乜都唔諗，盡快同佢一齊復仇( 佢地叫復仇者聯盟吖嗎)
136分鐘都算成功，正如大部份影評所言，起碼個敵人同級，唔會有外星人力量，或天神武器( 我真係好唔鍾意雷神, 好難接受佢的能力同美國隊長同枱) ，Scarlett johannson , 明顯比以前殘，始終翻唔到"迷失東京"嘅美麗。幾場追逐拍得有聲有色，Bucky 同Roger 的友情設定亦見張力。但我反而比較欣賞將神盾局完全否定的局面比較有趣。簡單來說，就係世界的善惡界線愈來愈濛糊, 政府或組織的本質並無 善良和邪悪，控制的人才是決定善惡。( 其實我本人相信連善惡都無，我相信只係立場的分別)
當然套戲的結局都係十分傳統，亦無令人喜出望外，美國隊長係主角當然無事，但成過神盾局就好有事, 成個無哂，不過正如阿lam 評論説可能要張整個神盾局破碎，再重新整合一個新的英雄世界。
題外話，不過在現在連善惡都難分的世界，唔好話美國隊長，就算Galactus (marvel 世界中有手有腳的神，高過雷神好多級啲神) 都攪唔掂。我地都係善與悪中游離吧啦！
麥昆
